सुती ओ पिया रंग महल में , सुती न सपनो आईयो जी।
जाणु म्हारे आंगण ,इन्दरजी धडूके -२ , सिलोड़ी गंगा बह रही जी।
जाणु म्हारे आंगण ,अमलो जी उभो -२ , अमले री दाल सवावणी जी।
जाणु म्हारे आंगण , हंसती जी घूम -२ , हँसतीया री घूम सवावणी जी।
जाणु म्हारे आंगण , घुड़ला जी घूम -२ , हरी – हरी दूब रली आवणी जी।
जाणु म्हारे आंगण , चोक पुरीज -२ , हेम कलश ऊपर धरियो जी।
जाणु म्हारे आंगण , बाजा जी बाज – २ , बाजा री धूम सवावणी जी।
जाणु म्हारे आंगण , दिवलो जी जोयो -२ , दिवले री ज्योत सवावणी जी।
जाणु म्हारे आंगण , चुड़लो चिरिज -२ , चुड़ले री छाप सवावणी जी।
जाणु म्हारे आंगण , मुंदडो जी पेरयो -२ , मुंधड़े रो काच सवामणो जी।
जाणु म्हारे आंगण , सुवटो जी बोल -२ , कोयलड़ीया रली आवणी जी।
सुणो – सुणो ओ सुसरोजी रा छावा -२ , सपने रो अर्थ बताय देवो जी।
इन्दरजी ऐ गोरी , सुसरो तुम्हारो -२ , सिलोड़ी गंगा थारी सासुजी।
अमले ऐ गोरी , बाप तुम्हारो -२ अमले री डाल थारी माताजी।
हस्ती ऐ गोरी , जेठ तुम्हारो -२ हस्तिया री घूम थारी जेठाण्या जी।
घुड़ला ऐ गोरी , गोत तुम्हारो -२ हरी हरी दोब थांरो कडुम्बो जी।
चोक ज ऐ गोरी , कंथ तुम्हारो – २ हेम कलश थारी कुखडी जी।
बाजा ऐ गोरी , देवर तुम्हारो – २ बाजा री धूम थारी देरााणया जी।
दिवलो ऐ गोरी ,पूत तुम्हारो – २ दिवले री लोय थांरी कुल बहुवाँ जी।
चुड़लो ऐ गोरी , बीर तुम्हारो – २ चुड़ले री छाप थांरी भोजायां जी।
मूंधड़ों ऐ गोरी , नणदोई तुम्हारो – २ मुंधड़े रो काच थांरी नन्दोलियाँ जी।
सुवटा ऐ गोरी , जंवाई तुम्हारो – २ कोयलड़ीयां थांरी धीवड़ियां जी।
धिन – धिन ओ , सुसरोजी रा छावा – २ सपने रो अर्थ भलो दियो जी।
थे जुग जियो , सजना री ऐ धिवड़ी – २ सुता न सपनो भलो आयो जी।