उठ राणा उठ राजवी , थे तो उठो नी , कासब जी रा सिंव बिहाणा हुल – हुल।
थां घर सुतां ना सर, थांन कुल मं उगन जाणो बिहाणा हुल – हुल।
उठ राणा उठ राजवी , थे तो उठो नी , विनायक जी आप बिहाणा हुल – हुल।
थे तो उठो नी ठाकुरजी आप बिहाणा हुल -हुल।
थे तो उठो नी देवी देवता आप बिहाणा हुल – हुल।
थां घर सुतां ना सर थांन घर छ: , सेवगियां रो ब्यांव बिहाणा हुल – हुल।
थे तो भल – भल ओ देवता कर्ज सुधारो बिहाणा हुल – हुल।
उठ राणा उठ राजवी , थे तो उठो नी , सुसरोजी रा सिंव बिहाणा हुल – हुल।
थां घर सुतां ना सर थांर घर छ: , ओ धीवड़ली रो ब्यांव बिहाणा हुल – हुल।
थे तो भल – भल ओ बाबूजी बिड़द सुधारो बिहाणा हुल – हुल।
लो कूंची लो कोथली, (नाम) सायब जी ओ थांरी दुकाना उधाड़ बिहाणा हुल – हुल।
उठ गोरी उठ सांवली थे तो उठो नी (नाम) बिहाणा हुल – हुल।
थांर हाथा मं चुड़लो , थांर कागन ऐ बहुवां रतन जड़ाय बिहाना हुल – हुल।
ले चरी ले नंजनो ,(नाम) नार ओ थांरी गायां दुवावे बिहाणा हुल – हुल।
दूध कड़ाई दूध आंवंट , दूध पिव लाडलड़ी रप , गोत बिहाणा हुल – हुल।
ले चरी ले नंजनो ,मायर दांरा ओ थांरी कुतड़ियाँ दुवावे बिहाणा हुल – हुल।
मूत तृण मूत आवंट ,मूत पिव ओ मायर दांरा रो गोत बिहाणा हुल – हुल।