उमराव थारी सूरत प्यारी लागै, म्हारा राज,
उमराव थारी सूरत प्यारी लागै, म्हारा राज,
उमराव जी, ओ जी उमराव,
उमराव थारी बोली मीठी लागे, म्हारा राज,
उमराव थारी बोली मीठी लागे, म्हारा राज।
उमराव जी, ओ जी उमराव।

आप झरौखे बैठिया, अलबेला सिरदार-२
हाजर रहवे गौरड़ी कर सोलह सिणगार-२
ओ जी उमराव,  थारी बोली मीठी लागे म्हारा राज-२
उमराव थारी बोली मीठी लागे, म्हारा राज।
उमराव जी, ओ जी उमराव।

चार कूँट की बावड़ी, जयामें शीतल नीर-२
आपां रल मिल न्हावस्यां, नणदल बाई रा बीर-२
उमराव थारी चलगत प्यारी लागे म्हारा राज-२
ओ जी उमराव,  थारी बोली मीठी लागे म्हारा राज,
उमराव थारी बोली मीठी लागे, म्हारा राज।
उमराव जी, ओ जी उमराव।

चाँदी को एक बाटको, ज्यामें भूरा भात-२
हुकुम देवों सरकार थे, जीमां दोन्यूं साथ-२
अजी सिरकार थाने, पंखियों ढुलाऊ म्हारा राज-२
ओ जी उमराव,  थारी बोली मीठी लागे म्हारा राज,
उमराव थारी बोली मीठी लागे, म्हारा राज।
उमराव जी, ओ जी उमराव।

पीव आया परदेस से, जाजम देइ बिछाय-२
तन मन की फेर पुछस्यां, हिवड़े ल्यो लिपटाय-२
ओ जी हुकुम करो तो धण, थारी हाजर है म्हारा राज-२
ओ जी उमराव,  थारी बोली मीठी लागे म्हारा राज,
उमराव थारी बोली मीठी लागे, म्हारा राज।
उमराव जी, ओ जी उमराव।