एक सौ पान सुपारी डोडस,जी थे तो दो सूरज जी घर न्योतो।
जी थे तो दो चन्द्रमा जी घर न्योतो ,
जी थे तो दो विनायक जी घर न्योतो।
बेगा – बेगा आयज्यो वार न लायज्यो,
सूरज जी म्हांर कुल मं उगन आयज्यो,
चन्द्रमा जी म्हांर कुल मं उगन आयज्यो,
विनायक जी म्हांर रिद्धि सिद्धि राखण आयज्यो।
एक सो पान सुपारी डोडस, जी थे तो हनुमान जी घर न्योतो।
जी थे तो दो माता जी घर न्योतो,
जी थे तो दो देवी देवता घर न्योतो।
जी थे तो दो भूल्या – चुक्या घर न्योतो।
बेगा – बेगा आयज्यो वार न लायजो,
हनुमान जी म्हांर स्याय करण न आइज्यो,
देवी – देवता म्हांर बिड़द सुधारण आयज्यो।
आप घोड़लियाँ राणिया न पालखाड़ियाँ,
जी थांरा छोटा- मोटा बैठ सिंघासण।
एक सो पान सुपारी डोडस, जी थे तो दो बाबूजी (नाम) घर न्योतो,
जी थे तो दो काकोजी (नाम) घर न्योतो।
जी थे तो दो बीरो जी (नाम) घर न्योतो,
जी थे तो दो मामोजी (नाम) घर न्योतो।
बेगा – बेगा आयज्यो वार न लायजो,
बाबूजी म्हांरी बिड़द सुधारण आयज्यो,
काकोजी म्हांरी जान जिमावन आयज्यो,
आप घोड़लिये बडिया जी पालखड़ी,
जी म्हांरा भाई – भतीजा बैठ सिंगासन,
जी म्हांरा छोटा – मोटा बैठ सिंगासन।

( इसी तरह परिवार, सगे गनायतो के नाम लेवे )