दूध भर घाघर लाई , ओ राजा राम री कलार
तूं तो ओ दूध सूरज जी न पाय , ओ राजा राम री कलार
ऐ तो सूरज देव बड़ा रे दातार , ओ राजा राम री कलार
ऐ तो कुल मं उगन आय , ऐ तो उगतंडा रो हुयो रे उजास। ओ राजा ………।
तूं तो ओ दूध विनायक जी न पाय , ओ राजा राम री कलार
ऐ तो विनायक जी घणा रे दातार , ओ राजा राम री कलार
ऐ तो रिद्धि सिद्धि लाव साथ , लाडे लाडी री राखे रिछपाल। ओ राजा …….।
तूं तो ओ दूध (नाम ) बाबोजी न पाय , ओ राजा राम री कलार
तूं तो ओ दूध (नाम ) काकोजी न पाय , ओ राजा राम री कलार
ऐ तो भाई – भाई घणा रे दातार , ओ राजा राम री कलार
ऐ तो देवे म्हांन रुपियाँ रो दान , ओ राजा राम री कलार
ऐ तो लेवे रे बिड़दां सुधार। ओ राजा राम री कलार