डागलिये चढ़ती न म्हाने सामा जेठ मिल्या सा
मेले में जाऊं तो म्हाने मिले पुराणा रसिया सा
मिले पुराणा रसिया सा म्हारे सामी देख हसियां सा
डागलिये चढ़ती ने………..।

देराणी री भूल स्यु मेह पहर लिनी साडी सा
देवरियो नादान म्हारे नेडो नेडो सिरके सा
नेडो नेडो सिरके सा म्हाने गेरो गेरो निरखे सा
डागलिये चढ़ती ने…………..।

नणदल बाई रे जाऊ जठे नणदोई जी मिल्या सा
देवे मुछियां रे ताव म्हारो जिवडलो घबरावे सा
जिवडलो घबरावे म्हारो हियो हिलोरा खावे सा
डागलिये चढ़ती ने…………….।

फलियां तोड़ने जाऊ म्हारे पगा में काँटा लागे सा
काँटा निकलू पायल रूण झुण रूण झुण बाजे सा
रूण झुण रूण झुण बाजे सा आ छम छम करती बाजे सा
डागलिये चढ़ती ने………………।

जापे स्यु उठोडी म्हारे सायब नेडा आवे सा
गोपालो नन्हो म्हारो आडो मचावे सा
आडो मचावे सा वो किलकारियां सुणावे सा
डागलिये चढ़ती ने……………।