बेन – बेन मने सपनो आयो हरसुं जोड़िया हाथ राम।
अजुवन आया ठाकुरजी मैं , रात्यु जोई बाट राम।
सोलह सो सिणगार करिया मैं , पेरियो चन्द्रहार राम।
अजुवन आया ठाकुरजी म्हांरो , बासी रहियो बिणाव राम।
अघमण तेल दियो जगे , म्हांरो खांगो रहियो किवाड़ राम।
ठाकुरजी री राणी रो ओ बासी रहियो बिणाव राम।
पोपाटी पगडो हुयो , म्हांरी चांचड़ली सी बाणी राम।
एक घड़ी र कारण मैं , कृष्ण री पटराणी राम।
आय गया समझाय गया , म्हांरी रीस गया बुझाय राम।
भल – भल आया ठाकुरजी , मैं रात्यु जोई बाट राम।