१
गवर ऐ गणगौर माता, खोल किंवाड़ी
बायर उभी थांरी पूजन वाली, पूजो ऐ पुजारी बांया कांई, कांई मांगो
माँगा ऐ मेंह अन्न धन लाछ र लिछमी
कान कंवर सो बीरो माँगा राई सी भोजाई
जलहर जामी बाबुल माँगा, राता देई मायड़
काले घोड़े काको मांगो, काजल वाली काकी ऐ
फुश बुहारन फूंफो माँगा, संवलियो बनोई ऐ
बड़े दुमाले मामो माँगा, बिणजारी सी मामी ऐ
इतरो देई माता गवरजा ऐ, मेह थाने पूजन आए
पूजो पिवर बाई सासरो ऐ , पूजो सो परिवार
माय केवे बेटी लाड़ली ऐ,बाप केवे परदेश
बीरो केवे बेनेड बिजली ऐ, देऊ पराये देश
गाजु गोरू बीरा मालवा रे बरसु बाबाजी रे खेत
बरस निपजाउ मोठर बाजरो रे,और कोठायलि जंवार
दल छल रांधू बीरा लापसी रे, हरिये मूंगा की दाल
नुत जीमऊ बीरा साहबो रे,लाल ननद रो बीर
चुलह बेठ्यो बाई चांदडो ऐ, हंडिया धोवन नीर
मुंडो न धोवे बाई सुरडो ऐ, खल्ला पेरया खाय
ओ बर टाली माता गवरजा ऐ, मेह थाने पूजन आय
परणीयो तो देई माता पातलो ऐ, सारां म सिरदार
टेढ़ी सी बांधे राजन पागड़ी ऐ, चाले राठोड़ा री चाल
ओ बर देई माता गवरजा ऐ, मेह थाने पूजन आय

२
उठ उठ ऐ माहरी गवरल माता उंधियालो सियालो, सूरज चढयो गिगनार।
एक पुजारी बाई रोंवा, सोंवा, जाय्न टूठी मोरी माय।
अन्न देई धन देई, देई बाई न पिवरियो सासरियो, सात भायां री जोड़।
बीरा थे अधज्यो बढ्ज्यो भावज जनज्यो पूत।
पूत पताशा बाईरा ओढनिया घाघरिया, और दिखन रो ची।
(पूजने वाली लड़कियों के नाम )

३
ऊंचो चवरो चोकुंटो जल जमना रो नीर मंगावो जी।
जठ ईशरदास जी सांपड़या बाई गंवरा न गोर पुजाओ जी।
जठ कानीराम जी सांपड़या बहु लाडल न गोर पुजाओ जी।
गोर पूजंता यूँ केव सायब आ जोड़ी इबछल राखोजी।
आ जोड़ी इबछल राखोजी म्हारे चुड़ला रे राखी बांधोजी।
चुड़ला रे राखी बंधोजी म्हारी चुनड़ रो सर्व सवागो जी,
ऊंचो चंवरो
(इसी तरह अपने घर वालो के नाम लेना )

४
ओ कुन ऐ गोरो डाल मरोड़ तो, ओ कुन फुलड़ा बीने ओ राज।
ईशरदास ऐ गोरो डाल मरोड़ तो,गोरा दे फुलड़ा बीने ओ राज।
बीनता पग पायल बाज तो, बिछिया रो झनकारो जी।
काई ऐ गोरी थारो बाप गड़ायो तो, काई पिवरिये सु लायया जी।
न साहब म्हारो बाप गड़ायो तो, ना पिवारिये सु लाया जी।
अगड़ गड़ावे बिरमादाश जी रा छावा, तो बाई ऐ रोंवा थारा बीरा जी
ओ कुन ऐ गोरो
(इस तरह भाई भाभी का नाम लेना )